串串貢 (Closed)

串串貢地址：深水埗元州街18G號富匯居1樓深水埗有好多唔同嘅美食，今次就試吓呢間串串式自助火鍋。餐廳環境舒服，唔會好迫同埋都幾乾淨。一入到餐廳就有好nice嘅姨姨招呼我哋，向我哋介紹5種唔同湯底，有辣有唔辣，因為同行嘅人唔食得辣所以我哋揀咗紅白鴛鴦鍋，一半係足料嘅重慶經典麻辣湯（即使我哋叫咗小辣都唔惹少🌶️），另一半係好少見嘅蕃茄蘋果湯（酸酸地幾開胃）。去到火鍋配料嘅部份，對於有選擇困難症嘅我嚟講，望住眼前超過70款嘅配料我真係呆咗，所以根據「小朋友才做選擇」，我決定咩都試吓。有幾樣嘢係印象最深刻美國肥牛肉質鮮嫩，入口即溶，煮嘅過程塊肥牛索咗好多湯底嘅辣汁，所以好惹味，但係又唔會蓋咗肥牛本身嘅牛味雞軟骨平時食開燒嘅雞軟骨，估唔到原來用嚟打邊爐一樣咁好食。雞軟骨口感好爽，而且餐廳用咗少少辣嚟調味，成件事好夾。手打黑椒牛肉丸牛肉丸嘅貌相睇落以為好似牛肉球，食落先知係兩回事，因為食得出佢手打嘅過程好出力，所以牛肉丸嘅肉質完全唔淋，同埋我最鍾意肉丸入面真係有黑椒，所以食落好有層次太多食物不能盡錄⋯⋯對於一個貪心嘅人類嚟講，我最希望可以增設甜品，畀我滿足下個甜品胃，不過好彩深水埗都有好多平靚正糖水