芝加哥串燒酒場 (明雲閣)

今日試咗一間勁高CP值嘅燒烤店。呢間位於元朗嘅店一直都被佢嘅氣氛吸引。一坐低二話不說整兩杯飲品爽下先。Blue Hawaiian $88入口有椰子香，甜甜地帶少少苦味，但因為有菠蘿汁酸味中和，好易入口。塊菠蘿乾好好味白桃啤酒好清香桃味嘅啤酒，大大杯都飲咗兩杯另外叫咗好多款燒烤嚟食。同大家推介下邊幾樣我自己最鍾意。招牌燒牛骨髓 $29本身好軟滑，燒一燒個面脆脆地好味安格斯牛肉露荀串 $38牛肉本身好好肉汁，又嫰滑。露荀索埋啲肉汁好正。茄子燒（原條）$39茄子加埋啲香料粉，蒜蓉嚟燒，香口到不得了。燒羊肉大蔥卷 $28大蔥燒完好香，羊肉包住冇晒騷味。仲有好多款其實都好好味，極之推介呢間串燒店。