Video
Read full review
2023-11-18
261 views
Account 開左好耐都冇打過食評，原來要200字先可以評分。見間呢間餐廳咁好，只係得1個Like, 所以睇唔過眼，要打篇食評黎幫下佢。之前無意之中係網上外賣平台叫外賣，先發現原來樂悠居一樓變左做food court, 拎外賣果陣見到人流唔多，但間間食店望落都幾高質，所以趁今日weekend 得閒D 就走去堂食。去到老婆話好似係荃灣人 見過有人讚過呢間野，話個蜆果個米線有成28隻蜆咁多，所以我地都有叫返碗黎試下。但睇黎佢地人手唔夠，店面冇職員，企左幾秒，個廚師係廚房見到我，就飛奔出黎同我落單。而家係香港食野真係好少見咁熱情啦 (不過我估佢就係老闆啦，如果唔係都冇咁熱情) 好啦, 等左唔夠5分鐘左右就有得食啦。拎果陣老闆真誠咁同我講左聲多謝，亦係同一時間，有個岩岩食完佢地個雞湯米線的食客，同佢地講返個雞湯米線好正，個老闆就話原來佢地個雞湯係煲左十幾個鐘，搞到我都好想試返碗。好，講返碗蜆米線，我地果碗同係荃灣人D 街坊一樣，有勁多蜆，真係起碼有2,30粒，而且隻隻都唔細，又冇乜沙，重點係鮮甜，我相信佢係用新鮮蜆黎煮，唔係唔會有果種解甜，除左蜆之外，碗野仲有d 花膠碎，支竹，豆卜，總之成碗
之前無意之中係網上外賣平台叫外賣，先發現原來樂悠居一樓變左做food court, 拎外賣果陣見到人流唔多，但間間食店望落都幾高質，所以趁今日weekend 得閒D 就走去堂食。
去到老婆話好似係荃灣人 見過有人讚過呢間野，話個蜆果個米線有成28隻蜆咁多，所以我地都有叫返碗黎試下。
但睇黎佢地人手唔夠，店面冇職員，企左幾秒，個廚師係廚房見到我，就飛奔出黎同我落單。而家係香港食野真係好少見咁熱情啦 (不過我估佢就係老闆啦，如果唔係都冇咁熱情)
好啦, 等左唔夠5分鐘左右就有得食啦。拎果陣老闆真誠咁同我講左聲多謝，亦係同一時間，有個岩岩食完佢地個雞湯米線的食客，同佢地講返個雞湯米線好正，個老闆就話原來佢地個雞湯係煲左十幾個鐘，搞到我都好想試返碗。
好，講返碗蜆米線，我地果碗同係荃灣人D 街坊一樣，有勁多蜆，真係起碼有2,30粒，而且隻隻都唔細，又冇乜沙，重點係鮮甜，我相信佢係用新鮮蜆黎煮，唔係唔會有果種解甜，除左蜆之外，碗野仲有d 花膠碎，支竹，豆卜，總之成碗係幾正，同埋食左成半碗湯，到而家(3個鐘之後左右啦) 都唔口渴。
應該夠字數比like, 就寫住咁多先。
Other Info. :
暫時佢地只收現金。
見到個場人流唔多，希望都各小店都可以頂得住啦。
(The above review is the personal opinion of a user which does not represent OpenRice's point of view.)
Post