青越 (Closed)

因為要去將軍澳醫院複診，就嚟到附近商場食中午飯，呢一間係住附近嘅朋友推薦，一入到去環境都好舒服，對住落地玻璃窗邊，環境好開陽。價錢亦都係商場來講算平，海鮮炒金邊粉加埋嘢飲$65，唔洗加一，炒金邊粉落去夠味道，炒得好唔會痴到一餅餅，亦唔會太重口味，當然都有少少人。份量又多，一個男仔都絕對夠，但係海鮮就唔會話好足料，基本上就係幾隻蝦幾隻魷魚，商場呢個價錢呢個質素咁嘅環境，性價比好高，朋友坐喺度傾咗兩三個鐘頭冇人要趕走，如果經過附近都會再試。