Greyhound Café (ELEMENTS圓方) (Closed)

Openrice app book左lunch hour時段，準時去到都要等10分鐘先有位。入座前要掃安心出行、自家app或手寫資料，但手寫張紙就沒有遮擋其他食客資料，基本上會俾人睇到曬D電話號碼。點了兩個lunch set, 一個冬蔭功蝦湯河，味道不過不失，不算濃郁，也不辣，配料只有3隻已剝殼的中蝦。另一個係Spaghetti with Thai Anchovy, 番茄醬的酸甜，配銀魚醬的鹹香，並有股特別的鹹魚味，味道有點特別。跟餐的磨菇湯就很濃郁，很重菇味。餐飲見menu只有Iced Lemon Tea, 落單時問侍應有冇Hot Lemon Tea，佢又話有。但後來飲品黎到都係凍嘅，咁就同侍應講落單時話有熱喎。咁佢乜都冇講就收走左杯嘢飲，隔一陣換另一個侍應又再俾拎返杯凍嘅黎，乜都冇交待就走左。其實我地都冇所謂，只係好小事，但都應該交待一下係冇熱飲，抑或聽錯左囉。