Ristorante Pizzeria Da Vincenzo

Open Now

Now Closed

今日經過大角咀嘅一間小店，門口見到佢嘅餐牌都覺得已經好平好吸引，裏面裝修又充滿了意大利風情，於是一於入去試吓。佢食物嘅選擇都唔算少，如果今次就叫咗巴馬火腿薄餅，以及芝士肉醬焗千層麵。佢本身仲有跟餐嘅前菜，當中包括了可以點橄欖油加醋嘅餐包，同埋沙律及西蘭花湯二選一，我就揀咗西蘭花湯，佢都幾大碗，西蘭花味亦都好濃厚。講吓佢嘅芝士焗肉醬千層麵非常大，亦都感覺到佢用咗好多千層麵配搭，芝士香味亦都好重，肉醬亦都非常之多， $108食到咁嘅質素，真係唔係周圍搵度。另一方面，佢個$108巴馬火腿Pizza非常之大份，如果一個普通女仔嚟食呢個餐一定食唔晒，完全冇預計過佢嘅Pizza可以咁大舊，而且亦都非常之好味，配埋佢跟餐嘅熱咖啡，好耐冇試過晏晝食得咁滿足咁飽啦！下次一定會再嚟幫襯！