JK Brother's (Moved) New Location

係附近接朋友收工，聽佢講呢間唔錯，就黎呢度。今日真係好餓，因為中午食得好少，所以一入去就好想嗌好多野食😂😂我同frd嗌左個芝味炸彈，一個無骨的芝士果醋醬烤雞，一個韓牛嫩豆腐鍋，同埋嗌左杯森巴皇后，真係好肚餓，亦好期待🤤首先講下個芝士果醋醬烤雞，本身其實有得揀有骨定無骨，我唔想有骨，因為食起上黎好麻煩，所以我揀左無骨。佢一上，我已經比佢顔色吸引，感覺好惹味。佢仲有年榚伴住。個果醋醬好好味，酸酸辣辣，個雞食落唔會好''漏''，加埋芝士真係好唔錯。而個年榚都好味。跟住上左個鍋，呢個鍋一上，我同朋友即刻哇一聲，因為真係好大個，亦好足料，有d驚食唔哂😂跟住個湯好清香，d牛味亦好足，我真係好中意食豆腐(豆腐迷)，佢有勁多舊，所以我好中意😍😍😍呢個湯搭埋個炸雞，可以清淡翻，好正！最後呢個炸彈好搞笑，我本身以為系雞蛋卷，原來我地睇錯😝但錯有錯著，呢張相係我地切開左的相，本身係完整。佢d蛋係流哂岀黎，個面包加煙肉加蛋，真心好啱好口味。講下杯野飲，好fresh，食到好飽飲一淡即刻爽左。好想講呢度d野食野飲全部都好大份，好大杯，真係好抵，價錢又唔貴。