醉忘魚屋 (Closed)

最近知道醉忘漁屋做緊冬日鍋物優惠，所以我同朋友約咗一齊去食。呢一間居酒屋以傳統日式木系裝修，環境非常舒適，而且好適合約埋三五知已一齊去聚餐！而冬之鍋物套餐係一個係性價比非常高嘅套餐，每位$398，需要提早一日預定。食材新鮮又豐盛，真係好值得去食！！冬之鍋物套餐包括極上刺身七點盛、時令海鮮八點盛合、肉類拼盤、自家制蝦滑和墨魚滑、精選野菜盛合、主食、甜品，超級豐富！極上刺身七點盛嚴選七種刺身，包括有油甘魚、牡丹蝦、三文魚、帶子、真鯛等等，特別喜歡油甘魚和三文魚刺身，厚切上，肥美又鮮甜，口感豐富！「醉忘雞白湯」- 鍋物湯底湯底有4款可以揀，我哋最後點咗「醉忘雞白湯」，湯色奶白，質地濃厚香滑，味道比較清香，加入海鮮、蔬菜等食材配料，味道會更鮮甜。時令海鮮八點盛合全部都係精選優質海產，非常新鮮，包括有龍蝦、鮑魚、扇貝、海蝦、蠔、魚片、蟶子，非常足料，相當吸引，令我哋垂涎三尺！肉類拼盤三款不同肉款，包括安格斯肉眼、西班牙豬和美國牛側腹，新鮮又有色澤，有口感又有油脂香！精選野菜盛合優質的野菜盛合，有幾款菜、兩款菇、粟米、豆腐、大蔥、蘿蔔等。自家制蝦滑和墨魚滑名不虛傳，香氣十足，口感彈牙。兩款滑中，墨