老街 (西洋菜南街)

Open Now

Now Closed

紅燒牛肉麵 $62鹽酥雞肉燥乾拌麵 $55👍 牛肉好淋，仲研3大舊，性價比高！！👍 湯頭濃郁，麵質都唔會過淋，掛湯不俗👌 鹽酥雞份量都唔少，應該係即叫即炸，所以要等耐少少，調味比較溫和，都幾好食嘅。👌 乾拌麵啲肉燥都幾夠撈哂成碗麵，仲有好多青瓜條 (咁嘅粗度應該唔係絲掛 🙈)，可以無咁膩，幾好。唯一係略嫌太濕，碗底有一定份量嘅湯，有人可能鍾意濕啲嘅，但我叫得“乾”拌麵會希望乾少少。👎 都唔算係扣分點：枱面係無辣椒醬嘅，但我覺得乾拌麵一定要有辣椒醬先好食。當日唔方便問佢攞，所以如果可以俾埋辣椒醬，或者點餐時就可以揀埋辣度就好啦。