Video
Read full review
2022-12-21
124 views
餐廳：圓鐵板燒 (旺角)地址：旺角太子道西193號MOKO新世紀廣場3樓食代館香港其實有唔少鐵板燒專門店♨️，而三間分店都開晒喺Food Court嘅圓鐵板燒就真喺絕無僅有，成為咗佢哋嘅Signature之一。除咗尖沙咀同大角咀嘅Food Court，今次我就去咗之前經過幾次、每次都坐滿晒人，而我一直都好想試嘅旺角新世紀廣場3樓食代館分店，原來唔經唔覺都喺到屹立咗7年👍店名寫住台式鐵板燒，不過感覺就同我平時食嘅日式鐵板燒差唔多🤣，唯一嘅喺有台式珍珠奶茶可以飲🧋。佢哋午市鐵板燒套餐最平$72就有，講真呢個咁平嘅價錢難怪吸引咗咁多人去幫襯🤓，而我今次就試咗佢哋新推出嘅全日「牛饌」套餐($738/2位)呢個「牛饌」套餐包括：✝️A5宮崎和牛(120g)✝️澳洲和牛(120g)✝️美國安格斯(120g)✝️西京燒比目魚扒✝️牛油燒汁阿根廷紅蝦配雜菜✝️牛油香煎黑椒鮑魚✝️和牛炒飯/海鮮炒飯✝️鐵板炒時菜(油麥菜)✝️餐湯(麵豉湯)✝️伯爵茶/焦糖咖啡蛋糕✝️2杯特飲 /汽水一個套餐可以試勻三個唔同國家、唔同質感嘅牛肉都幾正😍，新鮮嘅牛扒為呢一餐締造咗一個好開始：美國安格斯嘅爽嫩咬口，澳洲和牛嘅軟腍同濃郁肉香，A5宮崎
地址：旺角太子道西193號MOKO新世紀廣場3樓食代館
香港其實有唔少鐵板燒專門店♨️，而三間分店都開晒喺Food Court嘅圓鐵板燒就真喺絕無僅有，成為咗佢哋嘅Signature之一。除咗尖沙咀同大角咀嘅Food Court，今次我就去咗之前經過幾次、每次都坐滿晒人，而我一直都好想試嘅旺角新世紀廣場3樓食代館分店，原來唔經唔覺都喺到屹立咗7年👍
店名寫住台式鐵板燒，不過感覺就同我平時食嘅日式鐵板燒差唔多🤣，
唯一嘅喺有台式珍珠奶茶可以飲🧋。佢哋午市鐵板燒套餐最平$72就有，講真呢個咁平嘅價錢難怪吸引咗咁多人去幫襯🤓，而我今次就試咗佢哋新推出嘅全日「牛饌」套餐($738/2位)呢個「牛饌」套餐包括：
✝️A5宮崎和牛(120g)
✝️澳洲和牛(120g)
✝️美國安格斯(120g)
✝️西京燒比目魚扒
✝️牛油燒汁阿根廷紅蝦配雜菜
✝️牛油香煎黑椒鮑魚
✝️和牛炒飯/海鮮炒飯
✝️鐵板炒時菜(油麥菜)
✝️餐湯(麵豉湯)
✝️伯爵茶/焦糖咖啡蛋糕
✝️2杯特飲 /汽水
一個套餐可以試勻三個唔同國家、唔同質感嘅牛肉都幾正😍，新鮮嘅牛扒為呢一餐締造咗一個好開始：
美國安格斯嘅爽嫩咬口，
澳洲和牛嘅軟腍同濃郁肉香，
A5宮崎和牛脂肪比例高嘅豐腴牛脂香，三種口帶嚟截然不同嘅享受，配上黑椒、蒜粒同黑松露鹽，可以按個人口味去蘸唔同調味料🧂，總共360g嘅牛肉，2個人share就啱啱好
食完牛就到三款海鮮，勁大塊嘅西京燒比目魚扒加咗麵豉醬去燒，外焦脆內鮮嫩確實幾好食，不過個人嫌麵豉醬太多，有少少太鹹同埋蓋過原本比目魚已經有嘅鮮香🤏；
佢哋嘅阿根廷紅蝦喺屬於刺身級別🦐，完整無缺嘅原隻大蝦先被預先剝走蝦身嘅殼，食得更加方便，入口有陣陣黑椒同牛油香🧈，雖然蝦肉唔算好爽彈，但勝在夠鮮甜，當然唔少得蝦頭豐富嘅蝦膏😋；
鮑魚細細粒，爽口彈牙而且夠新鮮，一啲腥臭味都無😌
其實去到食炒飯嗰陣已經有少少飽嘅感覺，用咗魷魚🦑、蝦🦐、帶子，加埋香蔥、醬油同雞蛋去炒香🥚，海鮮都真喺幾足料，一啲都唔馬虎求其👏。
最後食埋甜品——焦糖咖啡蛋糕，濃郁嘅焦糖咖啡香，加上上層厚實柔滑、下層鬆軟嘅蛋糕層，食完呢餐確實豐富滿足🥰走嗰陣先知原來食代館做緊promotion，全場任何一間食滿$60就可以減$6，嚟緊17/12-27/12凡惠顧呢個「牛饌」套餐。餐廳仲送聖誕節禮物一份🎁：甜蜜回憶合照、聖誕曲奇🍪、獨家賞食券，記得趁早Book位過嚟試吓咁抵食有牛又有海鮮嘅鐵板燒喇😎
Post
