一汁一菜 (朗豪坊) (Closed)

今日同朋友試下哩間日式料理餐廳。餐廳環境簡約清新，行日系文青風，全部都係木質桌椅。餐牌上既食物配搭選擇眾多，而且性價比高。✨湯+一品料理+日本米飯 $69/$79哩到既套餐係自選配搭既，視乎選擇咩湯同食物，價格都會有些許分別，而我揀既湯、一品料理加米飯就係$79。🥣一汁一菜和牛羅宋湯 羅宋湯質感濃稠，而且用料豐富，內裏有好多煮得好腍既蔬菜同洋蔥，仲有切粒既蘿蔔、薯仔同和牛，入口蕃茄味道相當濃郁，酸酸甜甜好開胃。🐖油揚豆腐黑豚薑汁燒油揚豆腐同黑豚肉都煮得相當入味，薑汁味亦控制得啱啱好，黑豚肉肥瘦相間，仲帶有少許軟骨，配有高麗菜、甘筍絲，哩道菜送飯真係一流！好食推介👍🏻🍚日本米飯🍵另外加左$10要蜜桃紅茶，味道香甜，蜜桃味濃郁突出，好飲推介👍🏻🍛濃香牛肉野菌咖喱飯 $59哩個咖哩飯性價比真係超高！完全係大份夾抵食！咖哩係日式甜咖喱，味道香濃，牛肉份量亦唔少，配有薯仔、甘荀、爽口既野菌及少許炸蔥片，用料豐富，超級送飯，好食抵食推介👍🏻整體黎講，餐廳既食物性價比真係好高，絕對係附近既打工仔午餐之選，鍾意日式料理既亦可以一試。