大宮 (Closed)

平時係日本餐廳食個三文魚便當都要過百，但依間餐廳都只係78蚊，而且餐廳仲提供咗好多吾同既選擇，例如係丼物、定食、烏東同拉麵。我地叫咗個三文魚定食，係一個餐嚟既，包咗沙律、味增湯、飯、三文魚同埋杯日本茶。三文魚都幾大條，而且我幾鐘意餐廳調配既燒汁，同三文魚好夾。雖然三文魚啲肉有少少煮耐咗，但係都吾會話好差。另外叫咗燒雞扒烏東，啲烏東有少少偏淋，而且如果餐廳將啲雞扒分碟會好啲，吾係浸到啲雞扒淋咗。烏東有好多湯底可以揀，都幾彈性。炸餃子🥟個外皮炸得好脆，而且入啲餡都好多，好足料，加埋啲餃子豉油真係好正。而且，依家好多餐廳都只係得煎餃，所以有炸餃子真係好難得。章魚燒雖然嚟到嘅時候個外皮已經淋咗，但入面嘅料都好足料，唔係空心嗰啲。炸雞🍗我炸雞比較普通，啲粉嘅比例比較多，所以唔係好多肉。