韓閣

Open Now

Now Closed

地理位置好方便，地鐵站一出入商場上一層就係，位於黃大仙分館。商場都幾闊落，連同餐廳的位置都好易搵到。入到餐廳，感覺好80年式的韓式設計，有些80年代的擺設，同埋一些韓劇的海報。呢間韓式餐廳，少有地菜式的選擇十分多元化。由炸雞、湯鍋、鐵板、粉麵、kimbap、甜品，咩都有，如果多人來食，可以一次過滿足你好多個願望。我地今次來2個人食，要左一個牛骨蘿蔔湯飯（$138），份量都幾大，數數埋埋都8件牛腩左右，鐘意佢個牛骨湯濃淡適宜，飲完唔會好渴，加上有多的白蘿蔔同埋椰菜，係一道好適合送飯，食完又會滿足的一道菜。另一個必點是大韓無骨豬手（例牌:$98），呢個好好食，佢個豬手醃得好入味，而且肥瘦得宜，最深刻是佢配埋生菜，可以生菜包的食法，包住豬手、泡菜、醃蘿蔔、蒜等等，正！蛋卷是我的必食，我地叫左個心多多蛋卷（$88），有泡菜辣醬、紫菜明太子、芝士三重奏。選用日本蛋，仲要蛋卷非常大又厚，一份蛋卷我覺得起碼用左半打雞蛋！佢的蛋卷口感豐富，入面會咬到醃蘿蔔的口感，味道來講，我覺得三隻都唔錯，不過最深刻是紫菜明太子。最後，我都叫左個甜品結尾，八寶仙草配芋圓（$28），本身唔係好大期望，但估唔到真係可以喎