台站 (Closed)

荔枝角近年發展得特別快，尤其是有咗D1同D2 place 之後令到咁多餐廳不斷開張，其實真係一個好好嘅現象。雖然暫時來講唔算有好多種類嘅餐廳，但係呢一度居然搵到台式餐廳， 台站—顧名思義就係食台灣野，地方唔大嚴格上來講通常都係外賣為主，但呢一度嘅食物同埋佈置都會令你大開眼界，大家食完野可以寫低啲嘢喺memo紙然之後貼落去作為小小心意先講下肉鬆蛋餅，聞落去都特別香，望落去雖然好似手抓餅但食落去完全係兩回事，咬落去又好似Taco 又好似wrap， 不過配合肉鬆的確帶出咗清淡而且淡淡蛋香味！ 之後主食就要試吓豬軟骨肉燥飯，唔好以為價錢平份量會少，一個人食都已經夠飽，豬軟骨鹵得非常入味，肉操配合飯一直都係完美配搭，最緊要係啲飯有少少似珍珠米所以絕對會令你飽肚，同正宗台灣肉操飯簡直可以睇齊，呢一個價錢相對來講唔可以叫做比較平而且符合經濟實惠！最後當然唔可以錯過鹽酥雞，作為台灣嘅愛好者一定要試吓鹽酥雞，食落去第一啖已經係同你之前食過任何一間鹽酥雞截然不同，香料用得好特別，嗰種味道係千變萬化，又好似落左燒烤粉，但同時又混合左椒鹽，呢一種口味認真係我第一次食，但又出奇地好味又真係令自己食上癮！食物的確