Video
Read full review
2023-10-01
2101 views
今日約中學同學食飯，一齊重拾中學既青春回憶🥹於是走左去食好耐無食過既任食火鍋。哩間台式火鍋店佔地面積寬廣，有大量寬敞卡位，而且食物種類選擇眾多，$208可以任食2.5小時，性價比相當高～🔥 2.5小時任食火鍋 $208湯底方面有10款可以選擇，我哋就揀咗台式麻辣鍋同藥膳豬骨湯，因為揀咗小辣嘅關係，所以麻辣鍋唔算太辣，而藥膳湯底就清清地，係一濃一淡嘅配搭。🥩肉類肉類選擇好多，可以用QR code落單，包括頂級牛梅花、極上無骨牛小排、特選安格斯黑牛仔、精選牛五花、黑豚五花肉、黑毛豬梅花及頂級小肥羊肉，全部都係薄切，所以好快就煮熟，肉質新鮮，我哋都一再encore～🦐海鮮餐廳亦有海鮮可以選擇，包括海生蝦、脆肉鯇魚腩、沙白、白鱔片、青口，想食海鮮嘅話都可以試吓。🦑配料餐廳中間有一大架黃巴士，上面放咗勁多配料，包括芝士魚腐、赤目魷魚、牛筋丸、芝心丸、蟹籽丸、台式貢丸、台灣花椒丸、台灣香腸、魚腐、娃娃菜牛肉餃、韭菜豬肉餃、蜂巢豆腐、水魷魚、界花魷魚、醉雞、滑牛肉等等，選擇真係超級多，基本上打邊爐要有嘅配料都有齊。🥬蔬菜類蔬菜嘅選擇同樣好多，包括西生菜、西洋菜、油麥菜、金菇、海帶、芽菜、秀珍菇、雞髀
🔥 2.5小時任食火鍋 $208
湯底方面有10款可以選擇，我哋就揀咗台式麻辣鍋同藥膳豬骨湯，因為揀咗小辣嘅關係，所以麻辣鍋唔算太辣，而藥膳湯底就清清地，係一濃一淡嘅配搭。
🥩肉類
肉類選擇好多，可以用QR code落單，包括頂級牛梅花、極上無骨牛小排、特選安格斯黑牛仔、精選牛五花、黑豚五花肉、黑毛豬梅花及頂級小肥羊肉，全部都係薄切，所以好快就煮熟，肉質新鮮，我哋都一再encore～
🦐海鮮
餐廳亦有海鮮可以選擇，包括海生蝦、脆肉鯇魚腩、沙白、白鱔片、青口，想食海鮮嘅話都可以試吓。
🦑配料
餐廳中間有一大架黃巴士，上面放咗勁多配料，包括芝士魚腐、赤目魷魚、牛筋丸、芝心丸、蟹籽丸、台式貢丸、台灣花椒丸、台灣香腸、魚腐、娃娃菜牛肉餃、韭菜豬肉餃、蜂巢豆腐、水魷魚、界花魷魚、醉雞、滑牛肉等等，選擇真係超級多，基本上打邊爐要有嘅配料都有齊。
🥬蔬菜類
蔬菜嘅選擇同樣好多，包括西生菜、西洋菜、油麥菜、金菇、海帶、芽菜、秀珍菇、雞髀菇等。
🧃飲品
飲品櫃有齊汽水、茶及啤酒，另外一邊仲有豆漿、椰青水及花茶。
🍨甜品
餐廳最後面有甜品區，會有員工即場製作法式燉蛋、花生煉奶格仔餅、牛油麵包布甸等甜品，而喺埋單之後，仲可以揀選一款movenpick雪糕～
Post
