101肉燥飯專門店 (厚福街) (Closed)

天氣凍都係想食下鍋物，今日黎到尖沙咀見到呢間台式野有一人鍋就入去試一試。一人台左涮涮鍋商務套餐 ($69)有好多款可以揀，我就揀咗三杯雞，配新竹米粉個鍋上到黎其實仲有勁多配菜，我覺得個玉子豆腐同魚腐都好食。反而主角三杯雞就比較普通。呢個鍋都真係幾大份，慢慢碌下碌下但都真係食唔晒，因為都真係有幾多料。價錢合理，岩晒冬天想食火鍋，一個人都有得食。呢到除咗一人鍋都仲有牛肉麵，肉燥飯，台式小食等等，都多選擇，可以一試。