大公雞 (Closed)

週六中午突然想食台灣嘢，就去咗食大公雞。入座後侍應都好有禮貌，坐低會同我地簡單講解餐牌有咩好食。麻辣蒜香牛肉手工麵$60 （包一杯熱飲）個湯我覺得只屬於小小辣，食落個湯溫夠晒熱！ 牛肉大大塊連埋筋，同埋有好多塊，麵質做得有咬口， 粗幼適中同係台灣食冇乜分別。呢個價錢佢真係落足料！台灣肉燥撈麵（淮山麵）$50 （包一杯熱飲）女朋友叫的，佢話都唔錯～漏水蛋兩隻 $20夠入味， 豉油都幾香，小食之選！另外侍應都好有禮貌，執枱都會問清楚要唔要先收， 入去餐廳同離開都會同我打招呼