大公雞 (Closed)

🥣台北麻醬雞絲撈麵🥣：💰$55大量青瓜同紅蘿蔔絲，芝麻香，雞絲足料唔鞋，麵底似米粉較Q彈，麻醬份量適中，唔會太漏，一碟份量幾多。🥣紅燒大腸牛筋麵🥣：💰$60紅燒湯底夠香濃，較多塊大腸同牛筋，大大舊軟身好入味膠質重，麵條軟硬適中，煙韌易吸湯汁。🥣寶島鹽酥雞🥣：💰$42一碟份量幾多，炸到外酥脆，充滿椒鹽鹹香味，雞肉唔會鞋。🥣皮蛋肉鬆豆腐🥣：💰$32原磚嫩滑百福豆腐，皮蛋大塊又多，豆腐面上肉鬆甜甜的，整體甜滑，加埋麻醬食，夠清爽。🥤珍珠奶茶🥤：💰+$15珍珠好軟糯，驚喜地奶茶底茶味幾出，唔太甜。🥤蜂蜜百香果茶🥤：💰+$6感覺熱飲較養身🤭不含香精、人造糖及色素，清甜蜂蜜配熱帶味道，可以清腸消脂，保護心血管。