食字路口

Open Now

Now Closed

想中午喺中環搵食真係好艱難，大多數人多擠迫,等都要等一兩輪至有得食。嚟到昭隆街諗住都係又要等，點知呢間小店有位，即刻入座。心諗唔通嘢食麻麻地，所以冇人去呢?第一次去我叫咗$60鰻魚飯,諗住都係一般貨色…...估唔到鰻魚嘅size一啲都唔細，有塊生菜墊住，仲有紅蘿蔔同埋白蘿蔔奉上，補充左蔬菜類，唔會好似一般茶餐廳有肉冇菜，即刻覺得店主好細心。第二次我叫咗雞翼紫菜溫泉蛋飯，溫泉蛋一啲都唔馬虎，非常好食，雞翼到喺一流、脆卜卜! 唯一就嫌啲紫菜似係韓式一包包紫菜拆出嚟咁，搞到成個飯比較dry, 如果落番少少汁就會好好多。兩次食lunch經驗都Ok,暫時仲未食厭，可以繼續去幫襯。