旺記冰室 (大本型) (Closed)

旺記係我最喜愛嘅冰室之一，雖然無傳統茶記咁地道，但佢餐牌上食物配搭都不失特色😌以往食開鰂魚涌果間分店，今次第一次試油塘呢間，柯打左滑蛋牛肉鮮蝦飯同埋蕃茄牛肉出前一丁麵，愛爾蘭咖啡同埋熱奶茶。滑蛋牛肉鮮蝦飯，個蛋炒得剛好完全無overcook到一餅野，牛肉有口感，食得出無用梳打粉「拿」過；蕃茄牛肉丁出事位喺個麵度，食時見到過淋就知煮太耐，好彩蕃茄牛肉味道調得剛好，有點兒似星座冰室（但賣相比星座冰室嘅好....）愛爾蘭咖啡係伏伏地，唔知自己飲左啲咩，都係熱奶茶最穩陣