Video
Read full review
2021-03-30
274 views
同朋友咁岩出咗旺角行街而大家都突然間好想食日本嘢就決定搵吓附近有啲咩日本餐廳🤣咁岩見到呢間外觀帶有日式設計風格嘅餐廳仲要係黃店嚟添，所以唔使多諗就決定一於去試吓啦🤩餐廳唔算非常多位，但係我哋好好彩咁平日七點幾嚟到咁岩唔使等位！呢度嘅刺身飯係可以自己mix and match，啱晒心大心細想試唔同配料嘅朋友😚 而餐廳咁岩做緊promotion， $99就可以食到厚切藍鰭吞拿魚(2切)再加四個自選配料！呢個價錢嘅刺身飯喺旺角來講可以話係非常之抵食🤗自選魚生丼 $99配料方面今次我就揀咗三文魚、火炙左口魚邊、帆立貝、同埋碎蔥吞拿魚😋呢度嘅刺身飯背負送一碗味噌湯，而且仲可以免費追加白飯或者壽司飯添，完全唔使驚食唔夠飽🤣一上枱嘅時候已經覺得刺身飯嘅賣相非常之好，每一款嘅配料都非常足料，而且啲刺身食落亦都非常之新鮮唔會有異味😋藍鰭吞拿魚真係非常之厚切，但係油脂就唔算多，不過咁嘅價錢來講就唔可以要求太多啦😂如果想食好啲嘅朋友可以比多$16轉做中拖羅添！食完朋友我同朋友都一致覺得可以下次再encore🍣環境唔單止坐得舒服而且服務態度都算好！我哋都好鍾意呢種自由配搭刺身丼嘅方式，可以一次過試到唔同嘅嘢食
自選魚生丼 $99
配料方面今次我就揀咗三文魚、火炙左口魚邊、帆立貝、同埋碎蔥吞拿魚😋呢度嘅刺身飯背負送一碗味噌湯，而且仲可以免費追加白飯或者壽司飯添，完全唔使驚食唔夠飽🤣一上枱嘅時候已經覺得刺身飯嘅賣相非常之好，每一款嘅配料都非常足料，而且啲刺身食落亦都非常之新鮮唔會有異味😋藍鰭吞拿魚真係非常之厚切，但係油脂就唔算多，不過咁嘅價錢來講就唔可以要求太多啦😂如果想食好啲嘅朋友可以比多$16轉做中拖羅添！食完朋友我同朋友都一致覺得可以下次再encore🍣環境唔單止坐得舒服而且服務態度都算好！我哋都好鍾意呢種自由配搭刺身丼嘅方式，可以一次過試到唔同嘅嘢食仲可以就住自己心目中嘅價錢黎叫添😊
Post
