忠孝東路

Open Now

Now Closed

因為武漢肺炎嘅關係，唯有繼續留港消費💪🏻今日食番個台灣菜望梅止下渴先🧡•忠孝敦路•一聽個餐廳名都知係賣台灣料理。望埋個餐牌仲吸引午市套餐$68起重要大大隻字寫左午市免加一❗️又包小食同飲品🥤作為師奶仔嘅我，一睇到咁抵嘅組合都冇理由唔入去試下喇😝我揀左香酥排骨蛋炒飯同麻辣拌牛肚絲配是日冷泡生果茶。而男朋友就揀左忠孝魯肉飯同鮪魚沙律配薑母奶茶。排骨嘅外層痴左薄薄嘅粉，食起黎估唔到都幾脆，好香口。而且肉質唔韌。配上炒得粒粒分明嘅蛋飯，本來戒澱粉嘅我都忍不住食多兩啖。因為太好食嘅關係，我決定俾個特寫佢🤣麻辣牛肚係金錢肚，辣得來又令人幾開胃，份量需少不過岩岩好。🥰為食嘅我當然唔會錯過男友嘅魯肉飯喇。食落差點停唔停口。雖然我最怕肥豬肉，不過魯肉略帶油脂同汁配上珍珠白飯真係好好送飯。男朋友都怕左我，好快搶返碗飯。跟餐嘅水果茶係濃濃嘅熱情果茶😋好好飲。兩個人兩個飯連飲品都係百五蚊唔到，係尖咀來說都已經算幾合理。