Video
Read full review
2021-05-04
646 views
星期六同舊同學返咗中學做義工，做完梗係要喺九龍城區呢個美食天堂覓食啦🤤。我哋沿路行一直經過唔少餐廳，但行下行下都去到舊機場嗰邊，於是就求奇食一間啦。我哋揀咗「金三角」，因為見午餐幾抵食。餐廳佔據雙連舖位，我哋坐咗去非廚房嗰邊，冷氣充足啲，又唔使驚會有油煙味。座位之間有少少迫，但我哋二人坐四人枱就無乜問題😜。店舖無華麗嘅裝修，但都好有心機咁貼咗好多電影海報作裝飾。呢度嘅落單方法係自己寫食物號碼落張紙仔到，再交比店員。女店員們係泰國人，佢哋識講唔識睇，所以我喺張紙到寫咗「龍眼冰」三隻字，佢唔明問返我係乜嚟🤣。不過佢哋好好人㗎，又有交帶。泰式乾炒河豬肉($50/午餐價)，餐廳週末都有賣午餐，共六款選擇，款款一樣價錢。炒河味道唔錯😋，河粉偏闊身，似寬粉、好大塊，口感順滑。河粉嘅份量不及配料多，豬肉片同雜菜多到一個點，好抵食。伴旁仲放咗啲乾辣椒🌶️，佢其實一啲都唔辣，仲好香脆，超正。泰式燒豬頸肉($78)，🐷豬頸肉勁大碟，粗略估計有超過廿片。可能豬頸肉無乜肥膏嘅關係，所以未算燒得好脆口，但同時亦避免咗太油，兼且佢質感亦唔乾、唔柴。炸蝦餅($68)，蝦餅有多種口味，例如配皮蛋或者鹹蛋🥚，佢哋好吸引，
星期六同舊同學返咗中學做義工，做完梗係要喺九龍城區呢個美食天堂覓食啦🤤。我哋沿路行一直經過唔少餐廳，但行下行下都去到舊機場嗰邊，於是就求奇食一間啦。我哋揀咗「金三角」，因為見午餐幾抵食。
餐廳佔據雙連舖位，我哋坐咗去非廚房嗰邊，冷氣充足啲，又唔使驚會有油煙味。座位之間有少少迫，但我哋二人坐四人枱就無乜問題😜。店舖無華麗嘅裝修，但都好有心機咁貼咗好多電影海報作裝飾。
呢度嘅落單方法係自己寫食物號碼落張紙仔到，再交比店員。女店員們係泰國人，佢哋識講唔識睇，所以我喺張紙到寫咗「龍眼冰」三隻字，佢唔明問返我係乜嚟🤣。不過佢哋好好人㗎，又有交帶。
泰式乾炒河豬肉
$50
11 views
0 likes
0 comments
泰式燒豬頸肉
$78
6 views
0 likes
0 comments
炸蝦餅
$68
7 views
0 likes
0 comments
泰式串燒雞肝($14)，內臟我就唔太好😳，不過雞肝味道都唔太腥，肉質亦能保持嫩度。
泰式串燒雞軟骨($12)，🦴雞軟骨好爽口，但比一般硬啲。呢款配沙嗲醬食，幾惹味。
椰汁雞湯($78/小)，🐔🥥雞湯椰香撲鼻，味道濃郁，微酸好開胃，而且有超多雞肉同菇菌。唯一挑剔嘅地方就係湯水太少，一人只得一碗仔。
龍眼冰
12 views
0 likes
0 comments
總括嚟講，呢間地道泰菜小店質素幾好🇹🇭，全部食物味道均令人滿意，加上性價比高，唔使收加一服務費。九龍城區泰菜雲集，不過我相信佢能夠喺當中站穩陣腳，下次嚟我都會再幫襯。最後，我上載埋餐廳嘅完整餐牌以供參考🙏🏻。
Post
