Video
Read full review
2020-06-23
277 views
壽司郎呢間日本連鎖平價迴轉壽司店開業至今 每日都勁多人排隊 甚至連手機app都要輪候多於一個月 一直都冇特登為食壽司而排隊 今次就約咗咗朋友去試下 當日排隊唔算耐 12點左右排 二十分鐘內就入座 今次就試咗幾款壽司 以下就會慢慢介紹炙燒芝士三文魚 $12紅色碟嘅壽司全部都係12蚊 好抵食 而呢款就係炙燒過嘅三文魚 上面加上芝士 對比香港另一間連鎖壽司店嘅同款壽司 壽司郎用嘅芝士稍為比較甜 而醬都足夠 好足料 價錢亦較平 抵食之選😍 推薦大家一定隨便試一款三文魚壽司 壽司郎嘅三文魚壽司款式幾多 有唔同配料 炙燒三文魚呢款我幾滿意 特選大吞拿魚腩 $27黑碟壽司全部都係27蚊 有好幾款吞拿魚腩唔同價位 呢款我如果冇記錯就係最貴嗰一款 當然 呢款都係最新鮮啦 油花分佈幾靚 以平價迴轉壽司嘅質素 當然算幾好啦 比其他連鎖壽司店做得更好 起碼真係入口即化 真係feel到自己食緊吞拿魚腩 肥美亦夠新鮮 推薦！醬烤特選中吞拿魚腩 $17同樣亦叫咗另一款吞拿魚腩 呢件我反而覺得好食過上面嗰款 因為佢更加入口即溶 更加有油花嘅感覺 唔鍾意食太生嘅朋友一定要試下 朋友唔太鍾意吞拿魚腩 都覺得可以接受 而且
當日排隊唔算耐 12點左右排 二十分鐘內就入座 今次就試咗幾款壽司 以下就會慢慢介紹
炙燒芝士三文魚
$12
53 views
0 likes
0 comments
炙燒芝士三文魚 $12
紅色碟嘅壽司全部都係12蚊 好抵食 而呢款就係炙燒過嘅三文魚 上面加上芝士 對比香港另一間連鎖壽司店嘅同款壽司 壽司郎用嘅芝士稍為比較甜 而醬都足夠 好足料 價錢亦較平 抵食之選😍 推薦大家一定隨便試一款三文魚壽司 壽司郎嘅三文魚壽司款式幾多 有唔同配料 炙燒三文魚呢款我幾滿意
特選大吞拿魚腩
$27
24 views
1 likes
0 comments
黑碟壽司全部都係27蚊 有好幾款吞拿魚腩唔同價位 呢款我如果冇記錯就係最貴嗰一款 當然 呢款都係最新鮮啦 油花分佈幾靚 以平價迴轉壽司嘅質素 當然算幾好啦 比其他連鎖壽司店做得更好 起碼真係入口即化 真係feel到自己食緊吞拿魚腩 肥美亦夠新鮮 推薦！
醬烤特選中吞拿魚腩
$17
9 views
0 likes
0 comments
醬烤特選中吞拿魚腩 $17
同樣亦叫咗另一款吞拿魚腩 呢件我反而覺得好食過上面嗰款 因為佢更加入口即溶 更加有油花嘅感覺 唔鍾意食太生嘅朋友一定要試下 朋友唔太鍾意吞拿魚腩 都覺得可以接受 而且唔會太腥 我自己就覺得係全部壽司裡面最好食嘅一件
三文魚配特盛三文魚子
$27
18 views
0 likes
0 comments
呢款我冇記錯嘅話 係期間限定嘅款式 好好食 因為三文魚同三文魚子嘅配搭本身就冇可能會難食 而且實物真係同宣傳poster嘅樣冇乜分別 份量比得好大方 但呢款食得幾麻煩 好難一口食曬三文魚同三文魚子 三文魚子不停跌 而三文魚好大件 好厚身 比起其他連鎖壽司店更肥美 好抵食🤩
厚切三文魚
$17
9 views
0 likes
0 comments
白色碟係17蚊 我覺得白色碟嘅壽司款式唔算太吸引 呢款都唔錯 但比起12蚊嘅三文魚 27蚊嘅吞拿魚 就可能有啲唔太抵食 不過其實質素唔錯 性價比比起其他壽司店算高 只係同壽司郎其他壽司比較下 稍感遜色 其實呢款入口有少少太油膩 一入口少少驚訝
炸雞軟骨
$27
25 views
0 likes
0 comments
炸雞軟骨 $27
呢款又幾好食 夠脆 雞肉都有味 唔會食完唔知自己食緊咩肉 加上檸檬汁 幾清新 都推薦嘅
日式焦糖蕃薯
$12
55 views
0 likes
0 comments
呢款都係期間限定款 好食 驚喜之選 好甜好好味😋
卡達拉娜
$22
30 views
1 likes
0 comments
卡達拉娜 $22
呢個甜品聽講係喺壽司郎一定要試嘅 佢有另一款係期間限定嘅士多啤梨味 而原味就係焦糖 牛奶 同咖啡嘅味道 實際上我就食唔出佢到底係用咩材料整嘅 但嗰質感就好似硬嘅奶凍加上一層脆嘅焦糖 嗰配搭都幾特別 好食 好推薦🥺
心太軟
$22
50 views
0 likes
0 comments
心太軟 $22
心太軟就普普通通 出面其實都幾難搵到平價餐廳有賣心太軟 而如果真係好想食心太軟嘅 不妨可以叫下 唔算貴 但都幾好食嘅 裡面真係熱同流質 但朱古力嘅純度唔太高 鍾意食比較苦 濃度高嘅朱古力 可能會有少少失望 但我覺得幾好食 ok嘅😗
Post
