大鍋口海鮮火鍋店

Open Now

Now Closed

今日屋企人唔想煮飯，就決定黎大鍋口打邊爐。二百幾蚊任食，好過天氣咁熱要自己煮😂原來呢度嘅打邊爐，係食完麻辣雞煲再加湯底打邊爐。雞煲好惹味，雞肉都幾滑。佢嘅湯底都唔hea 架， 有好多款湯底可以揀，唔係就咁加水或者清湯，唔會搞到個湯底淡晒。我地就揀左海底椰湯底，balance番，冇咁熱氣。同埋食完個夠晒濃味嘅雞煲之後，配番個清甜滋潤嘅湯底，好夾好match!打邊爐嘅配料都好多選擇，每樣嗌左d都已經食到好飽呀☺️ 有肥牛、餃子、鴨血、手打蝦丸手打墨丸、仲有魷魚同牛柏葉。樣樣配料都非常新鮮彈牙。洗得好乾淨又冇腥味。尤其係鴨血呢d, 如果唔新鮮或者質素唔好，會有一浸好奇怪嘅味。但係呢度嘅鴨血完全冇怪味，仲好嫩滑。我都order左幾次呀。呢個抵食嘅打邊爐，我同屋企人都食得好開心。