至尊滿屋日本料理 (Closed)

旺角一向多日本放題食，今日突然又想放縱一下自己，諗起朋友介紹話呢間幾好食，於是上去試吓。佢地d食物種類都幾多，有2本放題紙可以選擇。出面嘅自助區都有多款冷盤，仲有我最鍾意嘅炸雞軟骨。仲有甜品櫃同飲品雪櫃，都算幾多款式。刺身好新鮮，完全冇腥味，肉質鮮甜。海膽手卷細細件，海膽鮮甜，可以勁食都唔覺飽，而且佢地d壽司都幾特式，係自家創作諗出黎，都幾match。熟食嘅款式勁多，熱辣辣，全部都係即叫即整，最特別係有特飲，顏色繽紛，非常吸睛，都幾好飲。最last每人一杯雪糕，有Haagen-Dazs同Movenpick可以選擇，呢個做結尾，簡直係大滿足