博多屋台

Open Now

Now Closed

博多屋台位於彩園商場一個較隱蔽嘅位置，店內以木質為主，就座區域舒適，桌椅乾淨企理。好彩比較早到，座低無幾耐，整間店就客滿，門前仲有唔少人等位，可見佢嘅口碑同人氣唔錯。菜單方面，選擇豐富，除咗我點嘅烏冬，仲有壽司、天婦羅、烤物等各式日式料理，應有盡有。點餐後，菜上得好迅速，服務效率高。而且店員專業友善，對菜單瞭如指掌，為我推薦嘅牛肉壽喜鍋幾啱口味。除咗牛肉之外，還有大白菜、金菇、甘筍、鮮冬菇、芋絲等，用料十足，搭配濃郁嘅湯底，湯汁入口綿密滑順，不油膩，恰到好處嘅鹹甜比例，味道不錯。而且份量很足，足以滿足兩個女生嘅食量。海鮮鰹魚湯烏冬香氣撲鼻，鮮蝦，扇貝，青口，蟹柳，粟米，紫菜，材料豐富，湯頭清甜，搭配讚岐手打烏冬，口感煙韌。前菜方面，蒜味螺肉爽脆可口，中華沙律清新開胃，各有特色。