Second Bite Bar & Cafe (紅磡灣中心) (Closed)

今日同男朋友去黃埔嗰頭睇樓，睇完又係時候食飯，想搵間cafe坐下，上OpenRice一搵就搵到呢間。睇相環境幾舒服，評價都幾高，所以就嚟咗醫肚🤣大蝦海鮮意粉（$198）青口鮮美肉嫩，大蝦碩大飽滿，蝦肉Q彈爽脆。用咗扁意粉，口感爽滑彈牙🦷炒得好均勻入味，每一條都吸收晒海鮮精華，海洋風味濃厚！帶骨肉眼扒（$298）份量十足，啱啱好五成熟👌🏻保留到入面嘅肉汁同粉嫩嘅肉質。肉味濃郁，口感鬆軟，簡單佐以黑椒調味已份外香濃，完全唔會輸俾扒房！紅酒（$38）鋸扒當然配返杯🍷果香濃郁，單寧較高，有助減輕油膩感，同肉眼係絕配🫶🏻呢個價錢有一流嘅用餐環境，食材用料上乘又新鮮，份量有飽足感，真係好抵食💰