回憶客棧 (富臨門大廈)

Open Now

Now Closed

餐廳裝修風格懷舊得來帶點八九十年代風味，店內一直播放著經典既港台歌曲，充滿童年回憶。餐廳氣氛好適合同朋友小酌一杯，聚下舊💕。🍽️招牌花甲粉份量比想像中多，有大量粉絲、8隻左右嘅花甲、金針菇，成碗食晒已經好飽，粉絲熱量低，可謂減肥因物😆👍🏻。花甲粉可以自由選擇辣度、蔥同芫荽嘅份量 同配搭不同食材。食花甲粉最忌有沙，但餐廳處理得好好，沒有沙，而且成碗花甲粉鮮味濃郁，每條粉絲都索晒湯底嘅鮮味🤤。🍽️魷魚鮮蝦粉🦐同花甲粉一樣，充滿海鮮嘅鮮味，蝦大隻飽滿🦐，唔係急凍蝦，一碗有3-4隻左右。魷魚份量都多，但經烹調後有點縮左水🤣。新鮮嘅食材令湯底更清甜。🍽️串燒小酌緊係唔少得串燒啦，叫左雞軟骨、 雞腎、金菇肥牛、燒茄子、燒豆卜。其中原條燒茄子十分搶眼，鋪滿蒜蓉及蔥，非常惹味，值得推薦！☺️燒豆卜別有一番風味，燒到脆卜卜加啲辣粉孜然粉等，令人不自覺地一啖接一啖。雞腎厚切燒得剛剛好，唔會太乾保留到口感。😋