Video
Read full review
2022-12-31
40 views
估唔到夜晚都可以去飲個茶、嘆下點心😎😎😎😝😝話說有日我夜晚收工，老公神神秘秘話同我去食好嘢～原來就係去海灣茶居飲茶一入到去，感覺環境舒適，比起傳統茶樓多一分現代感，返咗全日工嘅壓力係入到去茶居嗰刻，都抒發咗唔少～而餐牌上有傳統點心，又有新式創意點心，更有一啲小菜客飯去食～而最抵食嘅係餐牌上嘅價錢明碼實價，免收加一。而茶位亦只需五蚊一位，十分公道。收咗工未食飯，於是老公話事，嗌咗一套客飯（蒜蒸斑頭腩）,配上白飯和綠豆沙。綠豆沙雖然細細碗，但都飲得到啖啖心機，煲到起哂沙，仲有濃郁的香草味，媲美街邊$30-40糖水而蒜蒸斑頭腩肉質彈牙，斑頭腩件件都好大件，大概有6-7件。而底下仲有索滿湯汁精華嘅粉絲～好好食呀！跟住我哋都仲係唔夠飽，於是嗌咗馬拉糕同流沙奶黃包兩籠點心馬拉糕一上枱熱辣辣，撕開仲有綿密蜂巢形狀，食落口軟綿綿，味道微甜至於奶黃包飽滿有彈性，撕開就有一股暖流好似岩漿流出來，香滑奶黃流心湧入口中，的確係人間美味。而最後我始終都忍唔住嗌多個甜品--雙皮奶（只需要$10咋！！）估唔到都有個小小嘅梛盅裝住（本身諗住得一隻細碗仔！），真係超驚喜！雙皮奶滑嘟嘟，仲會震騰騰～食落口有少少梛香，多多
一入到去，感覺環境舒適，比起傳統茶樓多一分現代感，返咗全日工嘅壓力係入到去茶居嗰刻，都抒發咗唔少～
而餐牌上有傳統點心，又有新式創意點心，更有一啲小菜客飯去食～而最抵食嘅係餐牌上嘅價錢明碼實價，免收加一。而茶位亦只需五蚊一位，十分公道。收咗工未食飯，於是老公話事，嗌咗一套客飯（蒜蒸斑頭腩）,配上白飯和綠豆沙。
綠豆沙雖然細細碗，但都飲得到啖啖心機，煲到起哂沙，仲有濃郁的香草味，媲美街邊$30-40糖水
而蒜蒸斑頭腩肉質彈牙，斑頭腩件件都好大件，大概有6-7件。而底下仲有索滿湯汁精華嘅粉絲～好好食呀！
跟住我哋都仲係唔夠飽，於是嗌咗馬拉糕同流沙奶黃包兩籠點心
馬拉糕一上枱熱辣辣，撕開仲有綿密蜂巢形狀，食落口軟綿綿，味道微甜
至於奶黃包飽滿有彈性，撕開就有一股暖流好似岩漿流出來，香滑奶黃流心湧入口中，的確係人間美味。
而最後我始終都忍唔住嗌多個甜品--雙皮奶（只需要$10咋！！）估唔到都有個小小嘅梛盅裝住（本身諗住得一隻細碗仔！），真係超驚喜！雙皮奶滑嘟嘟，仲會震騰騰～食落口有少少梛香，多多奶香。而老公就叫咗個燒賣，一籠四粒，蝦肉都算多，咬下去都有見到較完整嘅蝦肉。燒賣面頭仲有黑松露，成件事即刻高級咗～🙈🙈🙈😝
總括黎講，我都好滿意今日老公嘅安排💖💖💖而海灣茶居都係一間性價比高嘅茶樓，而咁啱公司係附近，所以有機會都會得閒去食下😝期待下次食埋更多其他點心～
Post
