Ocio (積存街) (Closed)

大圍美食多，要企得住腳真係要啲心機同實力。OCIO 呢間小店就做到了，首先食物有質素加上定價合理，自然吸引一班回頭客。其實我都係第一次嚟，因為鋪頭位置距離火車站比較遠，但嚟到中午時間已經排哂隊等位就知道無嚟錯。Menu選擇超多，甜品看來很出色，下次一定要嚟試，因為大圍窩夫呢煩型甜品店不多。今日食lunch為主，餐湯係南瓜湯，好飲夠熱又滑。我叫左羊架，份量大，唔羶好好味，外脆肉厚多汁，好滿足。薯條好有誠意，大條仲要新鮮炸，唔係果啲又乾又諗。餐飲免費包杯latte就已經係超值，泡沫特別厚身同滑，讚。一定會返嚟再食其他食物同甜品，好耐未試過望住個Menu 都决定唔到食咩，因為見其他食客嘅餐都非常吸引，搞到樣樣都想食，哈哈。