豐受居酒屋

Open Now

Now Closed

非常懶惰，都食咗一排，不過豐受值得寫返個食評。夜晚食，唔算話好多人，加上之前book咗，所以直入就OK lu .環境：4/5觀塘有好多嘢食，但大部份都係喺工廠大廈，地舖堂食嘅唔係話特別好多，豐受喺觀塘餐廳嚟講坐得幾舒服，唔會逼夾。食物：4/5佢主打烏冬，燒物。烏冬係真係幾好食嘅，你唔會覺得係嗰啲港式粗製濫造嘅感覺。燒物都唔錯，唔會燒到乾晒柴晒，配清酒，好味，原本淨係諗住試吓個牛舌，之後嗌咗個雞串盛，唔覺唔覺都叫多咗😂。其他嘢食 魷魚好味，厚身嘅炸物都ok,唔係嗰啲食到成口油嘅。玉子燒，厚身，靚蛋，好香蛋味。有少少不足嘅，反而係個生蠔，唔夠肥美，可以在新鮮少少服務：5/5服務真係要讚一讚，尤其是係經理，熱心推介，亦都會同人交流，對於日本清酒唔係太熟悉，但係佢都會好耐心咁樣了解你嘅口味，食到差唔多嘅時候都會問你啲嘢好唔好食，同埋都好細心，得閒幫你斟下酒。其他侍應嘅反應都好快，服務態度唔錯。