越一越南牛肉粉專門店 (Closed)

放工同朋友食飯，佢話有間食越式野唔錯，就係呢間越一，佢有幾個二人套餐，我地就揀左其中一個set！越式生牛肉河粉，啲牛肉好嫰滑，湯底唔會好鹹，因為呢間餐廳係標榜所有食品都唔落味精！啲蘿蔔大大舊，好清甜！香茅豬扒河粉，河粉一樣係好味，好爽滑，係豬扒略嫌有少少老。扎肉蒸粉包，幾有口感，感覺有少少似粉果，但好食過粉果椒鹽軟殻蟹，外層好酥脆但味道略嫌咸左小小另外要左個蒜蓉多士，好香脆惹味椰汁紅豆汁，佢係屬於多椰汁少紅豆，會見到成杯都係白色，我覺得好飲嘅，唔會好甜，至於咸檸七就屬於正常～如果下次經過呢頭都會再食，性價比都幾高