越食 (景林街市) (Closed)

今次難得去將軍澳寶琳，知道景林商場有一條食街，有各種各樣美食外賣，就專程去試下，因為想食越南野所以揀左越食。Order左個二人套餐，有生牛肉湯米線、香茅豬排撈檬粉、香茅雞翼、越式蝦餅、墨魚餅、椰香眉豆糯米粥、椰香糯米玉米粥、凍奶茶及凍朱古力。生牛肉湯米線牛肉極多，湯底又夠精華，配埋新鮮芽菜及米線食一流。香茅豬排撈檬粉嘅豬排香濃入味，而且又夠大塊，撈檬多又越式風味。香茅雞翼外皮金黃惹味，雞肉絕對嫰滑。越式蝦餅及墨魚餅同樣彈牙可口，而且好有海鮮味道。椰香眉豆糯米粥同埋椰香糯米玉米粥比較少食，估吾到個甜品咁誘人不停想食，值得一讚。