吉野家 (Closed)

今次已經係今年第二次去吉野家打邊爐。第一次，好似發現新大陸咁，意想唔到連鎖食店嘅邊爐都咁高質。所以今日再翻叮。呢間吉野家用電磁爐，火力自由調教。唔似其他連鎖食店或吉野家分店用燈心爐食食下無火，要等職員黎整先可以繼續食，呢點俾個佢。會黎再食係因為個蟹棒。雖然味道同食開嘅差不多，但勝在長度夠噱頭。食肥牛當然係黎吉野家，其他連鎖快餐真似及唔上。肥瘦剛剛好，配埋芝麻醬，好味。抹茶紅豆，紅豆煲到好腍，咬落起沙，但偏甜。抹茶奶味較重。連鎖有呢個質素已經收貨。性價比高。黎緊嘅冬天會再食。