Cha:rm

Open Now

Now Closed

牛肉紫菜飯卷🐂飯卷內除左牛肉，仲配有瓜、蛋同埋紅蘿蔔，一份共有十二件，牛肉味道剛剛好，口感十分豐富。水冷麵😍依家咁熱嘅天氣最啱食一個水冷麵，店內會提供醋同韓式辣醬讓顧客根據自己喜好自由加配。水冷麵份量十分多，配有少量酸瓜酸蘿蔔、泡菜同半隻蛋。味道十分清新，剛剛好。半份炸雞🍗炸雞黎到嘅時候個擺盤有啲凌亂😂，半份炸雞配有薯條，同埋酸甜醬及蛋黃醬，炸雞外脆內軟，食入口仲熱辣辣，個人比較鍾意配埋蛋黃醬食，口感更加豐富。芝士辣炒年糕🥘我妹必嗌嘅辣炒年糕，年糕煙煙韌韌，配有拉絲嘅芝士，入面仲有少量魚糕片。呢個嘅辣度唔算太辣，一向唔太食得辣嘅我都接受到。備註：一坐低就有一小碟泡菜提供，價錢亦相對便宜，份量足夠，食到正宗嘅韓國風味，總括而言係一間性價比十分高嘅韓式餐廳。