簡品堂

Open Now

Now Closed

今日要招呼四隻化骨龍姪仔姪女~所以要買啲茶點~同場有好幾間餅舖，都係呢間最吸引~價錢平，又colourful ~又有好多新款麵包~結果買到失控~襯佢地未到，食左兩個包同奶茶當lunch~之後樣樣偷食左少少，如果唔係包碎都無剩~ 樣樣都幾好食，下次要再幫襯~🔹新野🔹 纏綿拉絲芝士菠蘿包 - 無乜拉絲，但有驚喜~入面有細細粒芝士，好有咬口~同菠蘿包鹹甜交集好味~隕石髒髒朱古力包 -隕石就係上面啲朱古力豆~個包鬆軟得來有一粒粒朱古力，好得意嘅口感，味道都唔錯~🔹港式絲襪奶茶🔹樽仔冰凍奶茶~唔會太甜，入口都幾滑~🔹班蘭紅豆包🔹一開個膠袋勁香斑斕味~D 椰絲好幼細，紅豆餡都好滑溜~🔹朱古力麻糬波波🔹又係一開袋好香~好大粒朱古力，麻糬同波波皮又好煙靭~🔹麻糬QQ球🔹開心果味 - 真材實料開心果碎喺面~朱古力味 - 幼粒朱古力碎脆卜卜咁~🔹麻糬曲奇🔹啲化骨龍一野食哂，無得我試下~不過應該係好好食~🔹班蘭戚風蛋糕🔹又係勁香班蘭味~戚風好鬆軟~咁大個都整得咁好質感，唔錯~🔹手工曲奇🔹本身諗住俾佢地帶返屋企食，點知佢地見到咁靚，未食晚飯已經食左半盒~又的確係幾好食，幾鬆化~