峰 (Closed)

好多朋友都會問我太子食咩好?我通常都會推薦呢一間，喺花園街對面，好味而性價比高既日本餐廳Must叫既幾款食物::首選牛肉鍋特濃壽喜燒既濃湯，揭開鋪滿全面既肥牛，就好似打開尋寶箱咁::雜菇同金菇係一梳梳咁放落去，仲有滑滑豆腐，菜，精華就係入曬味既粉絲🍲🍲!!!!! 七十幾蚊食到咁有heart既鍋物另外試過蕃茄雞同埋泡菜豚肉都絕無歎場!勁大舊勁滑雞脾肉配鮮蕃茄濃湯，足味唔太辣泡菜湯配爽口豚肉無論2位定係9位，清酒煮蜆都一定會喺我既面前出現::店家真係好窩心，會用方法令每一個人都充分享受到呢個美食❤半隻手板咁大既大蜆，端到枱上既時候，一黎就聞到酒香同埋蜆既鮮味將蜆肉放落口，爆出黎既湯汁令我地只可以:唔!!一聲，係享受既聲音😍仲有明太子玉子燒，燒🐙筒，炸雞軟骨。。。。。份量夠而味道好可惜，美好既事總係來得短暫，望住牆上既一張海報，我地呢一日仲喺度嘻嘻哈哈享受美食，但係下一個月已經光榮結業。。呢一次既聚餐，將會成為回憶。。曾經，我會話，呢度係三年來喺太子入面，我最愛既日本餐廳。將來，我會話，呢度係我曾經最愛，太子我惟一會推薦既日本餐廳。