三本目 (華成樓) (Closed)

鱟地坊真係有好多小店，今次行過見到新開左間壽司店咁靚🤩就走去望下見到價錢好抵喎，而且款式又多，梗係要試下啦😝😝今次叫左二人餐B，有20件壽司同2款刺身😚包括有三文魚、油甘魚、北寄貝、鰻魚、劍魚腩、帆立貝、三文魚籽、芝士飛魚籽軍艦、芥辣八爪魚軍艦、黃金魷魚軍艦，刺身就係三文魚同赤蝦🦐每款各2件，好豐富🥰佢地既壽司全部都係即叫即做，而且壽司刺身都好新鮮😊仲會比冰袋你，確保食物既溫度，超貼心❤️我最中意帆立貝壽司大粒得黎好厚身，食落仲好鮮甜😋三文魚籽壽司上面既三文魚籽粒粒都好飽滿，咬落去好juicy💦仲有陣淡淡既海水味，超有口感😍赤蝦刺身幾大隻仲好鮮甜，肉質都好爽彈，整體真唔錯👍🏻