Video
Read full review
2023-04-27
33 views
放工想同朋友chill吓、飲杯嘢傾吓計，又可以食少少嘢，太子港鐵站對出警署附近嘅Muze Mozz 俾到我好大驚喜！呢間Bar and Restaurant主要分兩個區域，兩個正門，一邊係典型酒吧格局嘅bar，一邊係歐陸風格嘅餐廳，兩邊互通，橙色嘅貓貓同歐陸小鎮牆、水吧外面嘅特色瓷磚綠色皮櫈都係打卡位！店內昏暗，好多光影，輕快嘅音樂，令人感覺輕鬆。以為主打酒水，並冇對食物抱好大期望，點知無論小食到主食，都非常高質，價錢仲十分相宜！✔️ Mozz黑松露醬薯條$58新鮮炸起，熱辣辣脆卜卜，上面灑滿香草同辣粉，加上碟沾極唔完嘅茄醬同黑松露醬，真係好高質，佐酒一流！五星星推薦！️ ✔️ 日式胡麻醬燒茄子$58茄子粒含有好多水份同纖維，粒切進食比原條方便，而且更容易沾滿日式胡麻醬同芝麻，好香口！✔️ 德國香腸拼盤，$168幾款德國腸嘅味道都OK，主要係外脆內暖，口感不錯！酸瓜、酸椰菜十分解膩！小食都離不開口味豐富嘅醬汁，香腸配芥末醬一流！✔️ 西班牙蒜油海鮮意粉$148呢個意粉性價比好高，一上枱，首先見到大大隻嘅青口、鮮蝦、蜆，而個粉本身都乾身，偏有口感，煙煙韌韌，意粉條掛滿橄欖油，加上大量蒜粒，充滿香氣
✔️ Mozz黑松露醬薯條$58
新鮮炸起，熱辣辣脆卜卜，上面灑滿香草同辣粉，加上碟沾極唔完嘅茄醬同黑松露醬，真係好高質，佐酒一流！五星星推薦！
️ ✔️ 日式胡麻醬燒茄子$58
茄子粒含有好多水份同纖維，粒切進食比原條方便，而且更容易沾滿日式胡麻醬同芝麻，好香口！
✔️ 德國香腸拼盤，$168
幾款德國腸嘅味道都OK，主要係外脆內暖，口感不錯！酸瓜、酸椰菜十分解膩！小食都離不開口味豐富嘅醬汁，香腸配芥末醬一流！
✔️ 西班牙蒜油海鮮意粉$148
呢個意粉性價比好高，一上枱，首先見到大大隻嘅青口、鮮蝦、蜆，而個粉本身都乾身，偏有口感，煙煙韌韌，意粉條掛滿橄欖油，加上大量蒜粒，充滿香氣！本來同朋友已經食到撐住肚皮，但係都堅持食晒佢！
✔️ Earl Grey martini $108
自己好鍾意伯爵茶味道，呢杯Cocktail茶味淡淡哋，酒味好light, 幾清香，非常適合女仔飲！賣相都好驚喜！
✔️ Peach Tree$68
桃味、檸檬味嘅mocktail, 仲有薄荷葉，好適合依家微暖嘅天氣飲！
臨走時發現live Band準備就緒，先發現今次太早食飯，下次晏少少可以享受埋現場表演，短期內會回訪！呢間Bar and Restaurant真心高質！
10% service charge
Post
