Video
Read full review
2024-09-25
669 views
杞醉價錢💲: $55/ $88/ $68/ $15/ $50/ $42/ $25/ $25/ $32/ $15/ $128好味程度😋: 4/5服務🍴: 3.7/5環境🗾: /性價比🥢: 4/5回頭率😚: 4.4/5-唔知你地中唔中意食醉/麻辣食物，自己就超中意！適逢上星期中秋節，當然要買d返屋企加餸。係荔枝角的外賣店，可以落定order去取貨。除左唔同小食，仲有火鍋套餐。佢地的醉汁自己調配，口味比較甜，清新得來不缺酒味。連入面的蟲草花同杞子都好高質，大粒又大條。-✅✅杞醉無骨鷄 $55。呢個好平😳 $55一兜有超過10塊。肉質好似鷄卷咁，偏硬小小，但唔柴👍啖啖肉食得好爽！呢個醉汁的酒味幾濃。-✅✅杞醉蝦 $88。都好好食啊啊啊。蝦味鮮甜肉質爽彈。最好係中間的肉已經剝左殼🤩 方便食！-✅杞醉花甲 $68。都幾多隻的，細細隻。佢支醉汁係食的時候先倒落去~-✅✅杞醉半熟蛋 $15。好impressive的一隻蛋！一食就知道係靚蛋，似係夢王個d😍 蛋白唔會太硬/軟，個蛋黃好橙色，一咬開已經係溏心粘稠的質地。成隻蛋都夠入味了☺-🆗杞辣牛舌 $50。都有好多片的。每片都大塊同有厚度。唔係肥美的牛舌
價錢💲: $55/ $88/ $68/ $15/ $50/ $42/ $25/ $25/ $32/ $15/ $128
好味程度😋: 4/5
服務🍴: 3.7/5
環境🗾: /
性價比🥢: 4/5
回頭率😚: 4.4/5
-
唔知你地中唔中意食醉/麻辣食物，自己就超中意！適逢上星期中秋節，當然要買d返屋企加餸。係荔枝角的外賣店，可以落定order去取貨。除左唔同小食，仲有火鍋套餐。佢地的醉汁自己調配，口味比較甜，清新得來不缺酒味。連入面的蟲草花同杞子都好高質，大粒又大條。
-
✅✅杞醉無骨鷄 $55。呢個好平😳 $55一兜有超過10塊。肉質好似鷄卷咁，偏硬小小，但唔柴👍啖啖肉食得好爽！呢個醉汁的酒味幾濃。
-
✅✅杞醉蝦 $88。都好好食啊啊啊。蝦味鮮甜肉質爽彈。最好係中間的肉已經剝左殼🤩 方便食！
-
✅杞醉花甲 $68。都幾多隻的，細細隻。佢支醉汁係食的時候先倒落去~
-
✅✅杞醉半熟蛋 $15。好impressive的一隻蛋！一食就知道係靚蛋，似係夢王個d😍 蛋白唔會太硬/軟，個蛋黃好橙色，一咬開已經係溏心粘稠的質地。成隻蛋都夠入味了☺
-
🆗杞辣牛舌 $50。都有好多片的。每片都大塊同有厚度。唔係肥美的牛舌，質地比較硬，肉感重d🤔個麻辣醬唔會好辣，甜辣甜辣咁，味道好多豐富。質地夠厚實癡係每片牛舌上面😆
-
🆗杞辣鷄腎 $42。又係超多分量的一兜。爽脆有口感。而個辣醬都可以包住曬每一塊。
-
✅杞辣黃金皮蛋/ 萵筍 $25。皮蛋超好食！係溏心皮蛋啊啊啊，個外層好軟，入面個心又好濃稠。同埋呢隻皮蛋的氨味好淡，容易入口！🤪萵筍好爽脆，加埋辣油係上癮的味道😍
-
✅杞腐鷄中翼 $32。用的鷄中翼好大隻！腐乳汁都係口味偏甜，一d都唔辣。發酵過的豆香味比較淡，唔覺食緊腐乳🫣 不過確實係好多醬，同埋每一隻都入味的。
-
✅✅杞辣撈米綫。呢個$15好平，可以叫呢個做主食，再加d小食咁🫡用的米綫比平時的粗小小，口感Q彈d，同埋好滑(好似米通咁)。調味加埋芝麻同芫荽，香口得來好惹味。有d椒麻的味，一路翻屋企都聞到個陣香味傳出來😂
-
🆗鵝肝杞醉滷肉飯 $128。面頭的鵝肝分量慷慨，好creamy，加埋落個飯到成件事即刻高級左😗滷肉飯偏肥，中間帶豬皮粒，有小小一patpat的感覺。如果可以融合鵝肝同個飯，一定更加好食！
Post
