Attic Handmade Pasta (Closed)

今日同男朋友嚟到尖沙咀食呢間手工意粉，感覺偏向fine dining，但lunch set價錢都可以接受😆一開始會先上麵包，有三款麵包，枱上仲會放咗灑咗鹽嘅牛油，三款都各有特色，我自己本身比較鍾意食法包，配埋牛油好好味😆餐湯係南瓜湯，好香甜，但質地偏稀，如果杰啲就更好喇🤣如果想要頭盤同甜品可以加$60，我哋兩個餐都有加到～我叫咗個香煎帶子伴椰菜花蓉，帶子內裡仲好嫩滑軟淋，椰菜花蓉比較少，唔太食得出咩味🙈男朋友叫咗意式三文魚薄片配檸檬刺山柑油醋～有三塊，配埋個汁酸酸甜甜幾開胃😆之後就到主菜喇，我叫咗蟹肉大蒜忌廉手打意粉 ($168)，蟹肉非常多，仲要都幾有鮮味，手打意粉好彈牙，配合埋個creamy同充滿蟹肉鮮甜嘅汁，真係好好食啊！😍男朋友嗰個係卡邦尼手打意粉 ($138)，個汁偏向杰身，每條意粉都比汁包圍住，當中亦都有唔少鹹肉，都幾濃味架～至於甜品，我哋叫咗紅絲絨蛋糕同埋伯爵茶意式奶凍～紅絲絨蛋糕蛋糕濕潤，忌廉好香，仲好打卡able😗另外奶凍嘅伯爵茶味直頭湧晒出嚟，入口亦好滑，十分高質☺️當然仲有普通餐飲一杯～整體用餐體驗都好唔錯，食物係精心製作，環境氛圍都同呢個價錢match嘅，lunc