彤 (Closed)

今日嚟咗尖沙咀呢間食omakase嘅餐廳，之前佢未改名嘅時候已經嚟過，覺得呢間餐廳性價比高而且食物質素亦都幾好。我哋今次個餐前菜係菠菜水母配和風汁，佢呢個前菜已經非常好食同開胃，佢係用汁煮姫粒貝，之後再加埋佢嘅靜岡縣產水果蕃茄，令到個口感更加豐富而且味道更加鮮甜。另外我哋嘅熟食亦都有日本花咲蟹，配土佐啫喱，佢個味道係酸酸甜甜，令到個花蟹更加鮮甜味道突出。壽司同埋刺身方面我哋自己就非常鍾意今日嘅秋刀魚壽司🍣因為佢嘅壽司飯呃得很好之餘，佢嘅秋刀魚亦都非常新鮮，食落口非常肥美。最尾我哋都鍾意笛鯛魚，因為佢係油脂豐富的白身魚，食落口嘅時候食到佢嘅油脂非常滿足！