炎鳥羽

Open Now

Now Closed

一講起去厚福街搵食，個個都識H8，但其實呢一座藍馬商業大廈都美食林立，呢日我哋就揀咗去炎鳥羽。餐廳唔算好大，環境就好有居酒屋嘅感覺。前菜總共有3款，我尤其喜歡牛蒡嘅爽脆。最近比較注重營養均衡，所以想食點菜做頭盤，木綿豆腐胡麻菠菜沙律就符合晒我嘅要求，菠菜沙律份量相當多，而且仲有車厘茄同豆腐，配合胡麻醬真係好味又開胃。另外仲叫咗明太子蛋卷，厚厚嘅蛋包住濃濃嘅明太子，雞蛋甜得嚟有蛋香，與明太子嘅辛香真係互相輝映。另外點咗一人前「炎」套餐($380)。刺身總共有三款，每款兩件，每日嘅款式都會有所不同，今日就分別有三文魚、油甘魚同八爪魚，全部都新鮮肥美。串燒雞肉總共有三款，分別係燒雞翼、雞軟骨同燒雞皮，另外仲有牛肉串。運用鹽燒嘅做法，薄薄嘅鹽提升咗食材原有嘅味道。天婦羅分別有炸蝦、茄子、南瓜同番薯。粉漿唔會過厚，新鮮熱辣就更加好味。最後食事揀咗烏冬，雖然只有紫菜同蔥花作配料，但配合鰹魚湯底，就已經令人感到滿足。甜品係柚子味雪葩，為呢個晚餐畫上完美句號。