丼瀛 (Moved) New Location

觀塘而家多越來越多工廈美食，今次搵到依間黃到金嘅日本菜，當然要懲罰下～鍾意食蟹嘅我就揀咗松葉蟹肉海膽甜蝦丼同松葉蟹肉甲羅燒蟹膏丼。丼飯係套餐嚟仲會包埋沙律、味噌湯同餐飲，十分豐富，價錢同喺出面普遍日本餐廳比都較平，性格比好高！餐廳預先將蟹肉全部拆肉，蟹鉗剝好殼，所以食得好方便。蟹肉同新鮮嘅海膽、甜蝦、三文魚籽鋪滿壽司醋飯，每一啖都好足料。另一碗嘅甲羅燒就隻鵪鶉蛋可以撈埋落蟹膏度，食落冇咁漏但仲有好濃嘅鮮味，撈飯食一流。餐牌上仲有好多唔同刺身組合嘅丼飯選擇，唔食刺身嘅都有熟食便當系列揀，店員仲介紹壽司／刺身／卷物同三款爆丼係週末午餐會特別做半價優惠，非常抵食，相信假日都會吸引到好多人嚟工廈食飯。