Video
Read full review
2023-05-26
166 views
見到尖沙咀近期新開左間鐵板燒，520呢個日子就同上世情人👨🏻去試試😋叫左精選2人前套餐$1280/2位，平均每人$600-700，同自助餐差唔多價錢，但近距離欣賞廚師用心處理食材之餘，又可以同大廚互相交流，將【色香味形意】五種元素結合💖前菜：沙律+龍蝦汁蒸蛋最開心見到沙律有士多啤梨同藍莓，加上清爽既沙律菜，岩晒夏日炎炎既日子食☀️龍蝦汁蒸蛋真係一款好出色既前菜🐣首先用蛋殼造型既器具真係賞心悅目，蒸蛋既時間亦都恰到好處，滑嘟嘟，加上濃濃既龍蝦汁，蛋香再帶鮮味，蛋中亦添上紫蘇花，除左令到蒸蛋再添精緻感，清新既花香令入口味道出現層次💜季節燒魚：甘鯛立鱗燒配酸菜魚汁立鱗燒係烹調鯛魚既常見手法之一，又稱松笠燒，將甘鯛保留魚鱗再煎炸，令到魚鱗翹起像蜂巢般交錯，甘鯛魚肉本身軟嫩加上魚脂夠多，配上酸菜魚汁酸中帶麻既味道，令到鮮味更加提升🐟南非鮑魚：配鮑魚肝醬廚師將2隻新鮮南非大鮑魚以半蒸半蒸手法烹調，鮮味十足，而且非常厚肉，口感有彈性之餘又覺柔軟，配上碟邊既鮑魚肝醬更增加味道既層次感沙巴虎蝦：配蟲草花蝦膏汁沙巴虎蝦出名超巨型，大廚更加風趣地將自己手臂同虎蝦比拼一下，親身驗證尺寸🤣💪🏻虎蝦肉厚多膏，大廚將
見到尖沙咀近期新開左間鐵板燒，520呢個日子就同上世情人👨🏻去試試😋叫左精選2人前套餐$1280/2位，平均每人$600-700，同自助餐差唔多價錢，但近距離欣賞廚師用心處理食材之餘，又可以同大廚互相交流，將【色香味形意】五種元素結合💖
前菜：沙律+龍蝦汁蒸蛋
最開心見到沙律有士多啤梨同藍莓，加上清爽既沙律菜，岩晒夏日炎炎既日子食☀️
龍蝦汁蒸蛋真係一款好出色既前菜🐣首先用蛋殼造型既器具真係賞心悅目，蒸蛋既時間亦都恰到好處，滑嘟嘟，加上濃濃既龍蝦汁，蛋香再帶鮮味，蛋中亦添上紫蘇花，除左令到蒸蛋再添精緻感，清新既花香令入口味道出現層次💜
季節燒魚：甘鯛立鱗燒配酸菜魚汁立鱗燒係烹調鯛魚既常見手法之一，又稱松笠燒，將甘鯛保留魚鱗再煎炸，令到魚鱗翹起像蜂巢般交錯，甘鯛魚肉本身軟嫩加上魚脂夠多，配上酸菜魚汁酸中帶麻既味道，令到鮮味更加提升🐟
南非鮑魚：配鮑魚肝醬
廚師將2隻新鮮南非大鮑魚以半蒸半蒸手法烹調，鮮味十足，而且非常厚肉，口感有彈性之餘又覺柔軟，配上碟邊既鮑魚肝醬更增加味道既層次感
沙巴虎蝦：配蟲草花蝦膏汁
沙巴虎蝦出名超巨型，大廚更加風趣地將自己手臂同虎蝦比拼一下，親身驗證尺寸🤣💪🏻
虎蝦肉厚多膏，大廚將蝦頭豐富既蝦膏跟自己秘製既蝦油炒香，再混和親自熬製既蟲草花做出醬汁，令到蝦肉裡裡外外都充斥不同層次既【蝦】味🦐
鵝肝：配多士及菠蘿冰
無論鐵板燒/居酒屋/串燒/西餐，鵝肝絕對係我既必點菜式🙈鵝肝由生煎到熟過程散發既香氣真係好治癒🤤香噴噴既鵝肝入口即溶，底下既多士馬上索晒流出黎既鵝油🤤有心思既地方係鵝肝上加左少少蘋果醋同旁邊有一粒菠蘿冰，兩者酸酸甜甜既味道正好中和油膩感，菠蘿冰超凍既清爽口感更令人開胃🤤🍍
🐮美國牛肉🐷日本鹿兒島黑豚肉
肉類有牛有豬，同👨🏻一人揀左一款可以share食，牛肉肉質軟嫩，肉汁豐富，大廚更推薦配上芥末及鹽漬昆布絲一齊食，少少鹽香同芥末微微辛辣可將味道提升💖
黑豚肉更有驚喜，肉質偏爽口，脂肪分布平均，配上酸酸甜甜既紫蘇梅醬令到豬肉既油膩感大減🐷
高菜炒飯🍚炒野菜🥬蝦頭味噌湯🥣
呢個套餐真係好豐富，鐵板燒既尾聲有傳統既高菜炒飯、味噌湯同炒野菜，炒飯用左沙律醬炒，入口不油不膩，粒粒分明🤤
甜品：紫薯雪糕+焦糖多士
最後當然用甜品作結，紫薯雪糕甜度適中，即製焦糖多士滿滿牛油香，入口香脆，用熱辣辣既多士條沾上冰凍既雪糕仲享受到冰火二重口感🧊🔥
Post
