鮨月 (Closed)

今日嚟到灣仔月街既鮨月街食廚師發板，首先食咗啲淡味嘅刺身先，首先嚟咗個真鯛薄切，喺上面加少少柚子皮。跟住就嚟咗個日本厚岸蠔，入口有清甜嘅味道。跟住就到活帆立貝，師傅將帆立貝唔同嘅部位用唔同嘅煮法，分別係刺身、焰燒同炸，唔同嘅部位用唔同嘅煮法幾有心思，跟住就到拖羅用配上中拖。食壽司之前食咗個冰頭漬再上壽司🍣， 梅子鯛壽司，食落口感非常嫩滑。赤蝦配上蟹膏，赤赤蝦大大隻常新鮮彈牙。不得不提大拖羅壽司，入口即溶富有油脂香味🥰。燒太刀魚皮脆肉滑再，加上少少醬汁又唔會搶到肉嘅鮮味。汁煮螺個汁甜甜地，螺肉夠晒彈牙，幾好食。天婦羅系列有三樣嘢，包括有蝦、明太子釀青同鱈魚白子，食落好似豆腐花咁。天婦羅整體整得幾好食，外脆而裏面就好似蒸熟咁。最後就係櫻花蝦蟹肉茶漬湯飯同甜品，甜品係士多啤梨雪糕加紅豆同靜岡士多啤梨🍓！