極尚大喜屋

Open Now

Now Closed

好耐都冇食過放題,最近有朋友生日,一於去食返次慶祝吓😌旺角呢間放題舖,相信大家都食過唔少次,價錢由$200至$300不等,性價比相對嚟講都算唔錯😜而且食物選擇眾多,除咗有網上落單嘅刺身、壽司、卷物、串燒、燒物、炸物、天婦羅,佢哋仲有個好大嘅自助區🤤入面嘅選擇都好多,有沙律、水果、開胃前菜、中式小菜、各類小食、甜品及雪糕 🥰而且佢哋仲要有點心,放題舖嚟講都真係第一次見有🤣極力推薦大家要試佢哋嘅一品料理,自家製菜式真係好有心思👍🏻避風塘軟殼蟹、鮑魚花膠和海螺料理,仲要有榴槤三重奏,作爲一個榴槤迷嚟講真係好幸福🧡整體嚟講食物選擇唔單止夠多,而且帶有自家特色嘅菜品亦不少,而食物嘅質素亦都相當唔錯,刺身亦都足夠新鮮,環境乾淨闊落,整個用餐體驗都唔錯,下次同朋友慶生會再考慮🫶