十八夢

銅鑼灣呢間十八夢既lunch set好抵食，有前菜、湯、沙律、主食、飲品👀價錢又唔係天價，食物質素同環境又好，出色！我叫佐一個主食係鮮蝦蟹肉意粉配車厘茄汁，配椰菜花湯同埋紅菜頭三文魚沙律。沙律份量絕對唔粉，一碟有幾大片三文魚，每片都肥美新鮮，紅菜頭都好fresh好爽，加埋黑醋汁好開胃既沙律🥗湯就好稠好濃，飲到粒粒椰菜花，加上忌廉好幼好creamy，飲完成口都係椰菜花味，好香好飲🫕意粉就被海量蟹肉包圍，加上新鮮爽口既鮮蝦，再配上鮮製既車厘茄汁，酸甜度好適中，成碟意粉好開胃好正🍝朋友就叫佐傳統日式料理，天然本鮪刺身盛·香蔥芝麻本鮪丼，前菜係黑松露茶碗蒸，沙律，秋葵。前菜質素好好，蒸蛋無水又滑捋捋，加上黑松露既香味，味道好鮮，秋葵有啲三文魚籽夾住一齊食，口感好特別又好鮮味，沙律都好簡單好新鮮🥗主食就更加十分出色，刺身鮮甜肥美，腩位好甘香，入口就化開、留番濃濃魚味係口入面，丼飯上面既魚蓉都好新鮮，絕對無欺場，除佐蔥同芝麻調味，仲有甜蛋絲，口感更豐富，就咁食食到魚既鮮味，加埋豉油黎食就更濃味，神級日本料理🤩