魚尚 (連城廣場)

Open Now

Now Closed

好耐冇食日本嘢，今日少少癮起就去魚尚叫幾份壽司返屋企食。老實講，魚尚一向賣嘅係性價比高，都唔好預期百零蚊會有高級壽司嘅質素，今餐都係收貨。1. 日式螺肉螺肉大大粒，味道正常。不過投訴位係，食到尾原來佢鋪咗好多青瓜碎係底，有啲感覺唔係太良好。2. 腐皮壽司腐皮有甜甜嘅醬油味，味道都係正常，不過壽司飯真係有啲凍。3. 花之戀魚之盛其實即係壽司拼盤，主打有三文魚、海老、花之戀，同帆立貝壽司，至於吞拿魚壽司，食得出應該係「西瓜」，冇乜魚味。投訴位都係同腐皮壽司一樣，啲飯真係有啲凍。